Петя мен қасқыр
Филармония өздерінің кішкентай көрермендерін қуанта бермек.
20 қыркүйек күні Еркеғали Рахмадиев атындағы Мемлекеттік академиялық филармонияның камералық залында (Абай даңғылы, 29) жас тыңдармандарға С. Прокофьевтің «Петя мен қасқыр» симфониялық ертегісі ұсынылады. Басталуы: 12:00.
Бұл ертегіні жазу барысында композитор Сергей Прокофьев балаларды симфониялық музыка әлеміне қызықты ертегі түрінде жетелеп, оркестр аспаптарымен таныстыруды мақсат етті.
Әр кейіпкердің өз әуені бар, оны белгілі бір музыкалық аспап орындайды. Ертегінің басты кейіпкері Петя аңшыларға бүкіл орман тұрғындарын қорқытып жүрген қасқырды ұстауға көмектеседі. Мұнда әр образға жеке музыкалық бояу берілген: Петяға - скрипкалар, қарт атасына - ырғағы ауыр фагот, қасқырға - үш мүйізді валторна, құсқа - нәзік флейта, үйрекке - әуезді гобой, ал мысыққа - қоңыр үнді кларнет. Аңшылардың бейнесін толық оркестр сомдайды, олардың мылтығының атылғаны литавра мен үлкен барабаннан естіледі.
Жас тыңдармандарды музыка әлемінің ғажайып сиқырына елітіп, оның бай қазыналарын ашуға шақырамыз!
