Есіңе мені алғайсың

2025 жылғы 8 ақпан күні, сағат 17:00-де Еркеғали Рахмадиев атындағы Мемлекеттік академиялық филармонияның концерт залында Мұқағали Мақатаевтың шығармашылығына арналған «Есіңе мені алғайсың» атты концерт өтеді.

Бұл ерекше кеште қазақ поэзиясының мұзбалағы Мұқағали Мақатаевтың жүрек тебірентерлік өлеңдеріне жазылған әндер мен күйлер орындалады. Кешті филармонияның «Қорқыт» этно ансамблі және белгілі өнер шеберлері ұсынады.

Шолпан Қорғанбектің «Аманат» күйінен басталатын кеште тыңдармандар Мұқағалидың өлеңдеріне жазылған «Пай, пай өмір», «Сәби болғым келеді», «Мен деп ойла», «Үш бақытым», «Шәлкөде», «Арнау» және басқа да жауһар туындыларын тыңдайды.

Концертке Қазақстанның халық әртісі Майра Ильясова, Қазақстанның еңбек сіңірген қайраткерлері Светлана Айтбаева, Арайлым Рахым, Айгүл Қосанова, Гүлнұр Оразымбетова, Ұлықпан Жолдасов, Гүлмира Сарина, «Ерен еңбегі үшін» медальінің иегерлері Фарида Жолдасова, Алтыншаш Мұқатаева, Мәдениет саласының үздіктері Нұрай Танабаев, Секен Сыздықов, Берік Омаров, Әйгерім Нартүйе, Данияр Мұқан, «Дарын» мемлекеттік жастар сыйлығының иегерлері Ақбота Құснадин, Мұратбек Хайролда, сондай-ақ республикалық және халықаралық байқаулардың лауреаттары Әкімхан Мәженов, Құралай Мейрамбек, Анель Смаилова, Өзгеріс Шерікбай, Нұржан Мейірхан, Айдын Жұмабай, Диана Май, Қымбат Жамбылбек қатысады.