Мамыр армандары

Көптен күткен, көпшіліктің сүйікті мейрамы еліміздің түкпір-түкпірін сергек көңілмен аралап келеді. Ол әрбір үйдің есігін айқара ашып, адамдарды көше кезіп, көктемнің жасыл жапырағының жұпар иісін жұтып, еркіндік пен бейбіт өмірдің тамаша сезімін сезінуге шақырады.

Петропавл қаласының көрермендеріне ерекше мерекелік көңіл-күйді Қызылжар халық музыка ансамблі мен Туған жер би ансамблі сыйлайды. Бұл ұжымдар бұған дейін де бірлескен өнерлерімен көрерменнің жүрегін жаулап үлгерген, ал бұл концерт сол дәстүрдің заңды жалғасы болмақ.

Бағдарламада - әсерлі музыкалық шығармалар, соғыс жылдарындағы әндер мен көркем хореография орындалады. Қаламыздағы көптен күткен бұл өнер кешін жіберіп алмаңыздар!

Сіздерді асыға күтеміз!