«Евгений Онегин» спектаклі Петропавл қаласында

«Онегин» спектаклі - бұл бидің тілімен өрілген поэзия. Көрерменнің алдында бір мезгілде сахна да, сахна сыртындағы әлем де ашылады: алты әртіс бүкіл қойылым бойы сахнада болып, көрерменнің көз алдында роман кейіпкерлеріне айналып отырады. Олар би арқылы кейіпкерлерінің сезім тереңдігін, ішкі күйзелістерін, тіпті ең нәзік, ең ұсақ түйсіктерін де жеткізеді.  Көрермен Ольга мен Ленскийдің сезімдерінің қандай мөлдір, қандай аңғал екенін, олардың жанасуының қаншалық нәзік екенін көреді; Татьянаның қаншалық нәзік әрі үркек екенін, хат жазып отырған сәттегі армандарының қаншалық таза екенін, ал түсінің қаншалық қорқынышты екенін сезінеді. Әрине, Онегиннің өзі де - біз онымен бірге оның бүкіл жолын жүріп өтеміз: өзіне тым сенімді, сырт келбетімен мақтанатын серіден жүрегінде терең жарасы бар, өзі-ақ көлеңкеге айналған мұңды кейіпкерге айналғанын көреміз.

Әңгімелеушінің сахна сыртындағы дауысы көрерменді бүгінгі күні де өзекті, жаңа және шынайы болып көрінетін Александр Сергеевич Пушкиннің поэзия әлеміне жетелейді.

«Евгений Онегин» романы. Бұдан артық сөз керек пе? Әр заманның өткір, нәзік те батыл хас жауһары. 

Спектакль авторлары Пушкиннің мәнерлі поэзиясын би өнерінің көркемдігімен ұштастырып, өлең жолдарындағы романды заманауи көрермен алдында заман тынысына сәйкес, жаңа қырынан танылатын туынды ретінде паш етпек. 

Актерлер сіздерді Онегиннің хикаясына терең бойлатып, актерлік өмірдің сахна сыртындағы өміріне көз салғандай, Пушкин жолдарының астарын таңғалдырарлық тұсынан ашып көрсетеді. 

Бірегей хореография, жарқын актерлік өнер мен Пушкиннің өшпес жолдарының әуені - осының бәрі көрермендерді ұзақ уақытқа бей-жай қалдырмас спектакльдің қайталанбас атмосферасын жасайды. 

Спектакль «Ресейдің театр қойылымдарының алтын қоры» байқауына қатысу үшін РФ Театр қайраткерлері одағы іріктеген 300 қойылымның қатарына енді.

Кәсіби би театрларының Екінші халықаралық фестивалінің лауреаты.