Байдың баласы (2025)

Шығарылған жылы: 2025

Дистрибьютор: Meloman

Өндіріс елі: Қазақстан 

Режиссері: Аблусаид Шайхисламұлы

Актерлер: Ислам Бермағанбет, Ақболат Өтебай, Динара Мирасбек

Жанр: отбасылық комедия

Ұзақтығы: 1 сағат, 20 мин

Жас шектеуі: 6+

Премьера күні: 17 шілде, 2025 жыл

 

 

Фильм «Байдың баласы» — бұл жасөспірімнің өз-өзімен, отбасы құндылықтарымен және шынайы өмірмен бетпе-бет келуі туралы жылы әрі көңілді оқиға.

13 жастағы Арман — байлық пен молшылықта өскен жасөспірім. Оның әкесі — табысты кәсіпкер Әділ, ал анасы — оның барлық тілегін екі етпей орындайтын Меруерт. Арман ештеңеге зәру болмай, еркеліктің шегіне жетіп, ата-анасының сүйікті ұлына айналған. Алайда оның шектен тыс еркелігі мен тентектігі айналасындағы адамдарға маза бермейді.

Бір күні ата-анасы бірнеше күнге шұғыл іскерлік сапарға кетуге мәжбүр болып, Арманды әкесінің ескі досы — Жанібек ағайдың үйіне қалдырады. Жанібек — көп балалы әке, өзі жұмыссыздықпен күресіп, тар әрі ескі жатақханада күн көріп отыр. Міне, сол сәттен бастап Арманның өмірі күрт өзгереді.

Қарапайым өмірдің қиындықтарына алғаш рет бетпе-бет келген Арман, тамаққа ортақтасуды, күнде ыдыс жууды, тар бөлмеде бірнеше балаға орын беруді, бір сөзбен айтқанда — шынайы өмірді тани бастайды. Ал бастапқыда бұл жай ғана уақытша қолайсыздық деп ойлаған Арман көп ұзамай бұл – ата-анасының өз баласын тәртіпке салу үшін құрған ерекше жоспары екенін түсіне бастайды.

«Байдың баласы» — бұл юморға, жүрекке жылы көріністер мен өмірлік сабақтарға толы отбасыға арналған фильм. Ол шынайы достықтың, еңбек пен қарапайым өмірдің мәнін түсіндіреді. Әр көрермен Арманмен бірге күліп, ойға шомып, жүрекке жақын бір дүниені табары анық.