«Салттық билер» Almaty театрында
Almaty Theatre көрермендердің көңілінен тыс қалмас «Салттық билер» атты балет триптихының тұсаукесерін ұсынады. Режиссер-хореограф Мукарам Авахри мен «Астана Балет» театрының солистері заманның рухани байланысына ден салады. Би арқылы көрермен өзін-өзі тану үдерісіне беріліп, автордың біздің кім екеніміз және бұл дүниеге не үшін келгеніміз деген маңызды сұрақтарға жауап іздеу туралы жеткізгісі келген ойы ашылады. Керемет музыкалық ырғақтары, мәнерлі костюмдері мен шеберлігі көрермендердің қасиетті би әлеміне терең бойлауға мүмкіндік береді.
Қойылым Қазақстан театр сыншылары қауымдастығының «Үздік заманауи балет» номинациясы бойынша беделді сыйлығымен марапатталған. Сонымен бірге, осы спектакль үшін хореограф Мукарам Авахри Benois de la Danse («Балет Оскары») халықаралық премиясының «Үздік хореография» номинациясы бойынша дипломант атанды. Қойылымның үзінділері Benois-2025 аясында Мәскеудегі Үлкен театр сахнасында көрсетіліп, кәсіби ортада үлкен ықылас тудырды.
