Қарғаның ханымы

Заманауи жазушы Дмитрий Быковтың айтуы бойынша, Пушкиннің «Қарғаның ханымы» орыс әдебиетіндегі алғаш триллерлік туынды болып табылады. Расымен де, фантастикалық элементтер бұл туындыда басымдылықты алады. Классикалық оқиға желісі бізге мектеп партасынан таныс, тағдыр ойыны, фортуна мен өмір жазуының болжап білуге жатпайтындығын айқын көрсетеді. Жас әскери инженер Германн қарапайым өмір сүріп, жиған тергенін бөлек алып қояды. Қолына еш бір рет карта ұстамай, тек басқалардың ойнағандарын тамашалап қана отырады. Алайда кенеттен оның Томский есімді құрдасы өзінің әжесі туралы ерекше әңгіме айтып береді. Ол кісі үлкен қаражатқа ұтылып, алайда кейін карталардың сырын ашып, үлкен олжаға қол жеткізген екен. Мұны естіген Германның мазасы кетеді. Бірақ, табыс пен дүние қуамын деп, кейіпкер өзінің берекесін ғана емес, ақыл-есін де қашырып алады.