Аюдың апаны. Премьера!

Адам шындығымен бетпе-бет келгенде – бәрі кеш болуы мүмкін. «Аюдың апаны» – парақорлық пен пендешіліктің шырмауында адасқан жандар туралы драма. Бұл қойылымда тек тағдырлар тоғыспайды – ар мен ұят, кешірім мен әділдік күреске түседі. Бірі — тек өз құлқынын басты мүддесі санайтын, шындықтың жалғыз жолы сол деп ұғатын дәрігер. Екіншісі — ессіз махаббаттың тұзағына ілініп, адасқан әйел. Үшіншісі — әділетсіздік пен жемқорлықтың құрсауында жан азабын тартқан орманшы.

Бұлардың өмірі орманда – «аюдың апанында» тоғысады. Бірақ бұл – жай ғана кездесу емес. Бұл – өткенмен есеп айырысу.