«Есті әндер» Симфониялық оркестр мен Халық аспаптар ансамблінің концерті

Қалибек Қуанышбаев атындағы Қазақ ұлттық музыкалық драма театрының Симфониялық оркестрі мен Халық аспаптар ансамблі «Есті әндер» атты концертін ұсынады. Бас дирижер – «Мәдениет саласының үздігі» Ерлан Бейсембаев.

Солистер: Халықаралық байқаулардың лауреаты, «Жас қанат» жас орындаушылар байқауының финалисі Анель Исина, актриса, «Мәдениет саласының үздігі» Гауһар Жүсіпова, Республикалық және Халықаралық байқаулардың лауреаттары Дана Дженсикпаева, Бағдат Алтынай, актер Бибарыс Орман.

Концертте «Молдабайдың әні», Қ.Сағырбайұлының «Саранжап», «Сарыарқа», Е.Брусиловскийдің «Шашу», «Бозайғыр», Ш.Қалдаяқовтың «Ана туралы жыр», Н.Тілендиевтің «Жүрегім менің», «Құстар әні», Ғ.Құрманғалиевтің «Ақ ерке», Б.Макаевтың «Ғасырлар үні», Т.Мұхамеджановтың «Іңкәрім-ай», М.Бердіғұловтың «Шахристан», А.Бақытнұр «Шествие», Е.Канапьянов «Аққу елім Қазақстан», Т.Шөкенов «Самғау» туындылары мен «Күй шашу» орындалады.