«Гамлет. Соңғы күндер» Премьера!
Дания. Ханзада Гамлет ең жақын адамдарының сатқындығынан жапа шегіп, өз жанының құнына әділеттілікті қалпына келтіруге мәжбүр. Оны шындық деген не, өтірікті шындықтан қалай ажыратуға болады деген секілді мәңгілік сұрақтар мазалайды. Гамлет тек кек алушы ғана емес, терең ойлы философ. Оның ішкі монологтары өмір мен өлім, парыз және ерік бостандығы туралы ең батыл ойларды тудырады.
Гамлет - әр адамның бойындағы шешілмейтін қайшылықтар мен жасырын ұмтылыстарды ашатын дәуірдің айнасы.
Спектакльде басты назар шешім қабылдай алмау, күмән мен ашу-ыза, әрекетке ұмтылыс және қателіктерден қорқу тәрізді мәселелерді терең ашатын кейіпкердің ішкі күресіне бағытталады. Оның басты арпалысы – іс пен ой, сезім мен ақылдың арасындағы түйткіл. Гамлетке тән батылдық пен нәзіктік, құпиялық, ынтықтық үйлесімі сахнада адам рухының ұлы трагедиясын паш етеді. Бұл тек сатқындық пен өлім туралы емес, ең алдымен жанның шынайы күресі әрі өз болмысын табу жолындағы ізденістің көрінісі.
