Иммерсивдүү спектакль «Сандык»

Иммерсивдүү спектакль «Сандык» — бул ар бир көрүүчү үчүн өзүнчө курулган өзгөчө дүйнө.

Ар бир жолу сахна жаңыча жанданып, окуя көрүүчүлөрдүн катышуусу менен өрчүйт.

Көрүүчүлөр «Сандыкты» тегеректеп отурушат. Ал эми анын ичинде өлкөбүздүн жети облусунан — Ош, Жалал-Абад, Баткен, Чүй, Ысык-Көл, Нарын, Талас жана Бишкек шаарларынан келген реалдуу адамдардын каттары жана алардын жиберген белектери жайгашкан.

Бул спектакль ар бир адамга «өзүнүн Кыргызстанын» элестетүүгө жана аны курууга мүмкүнчүлүк берет.

«Сандык» — бул идеалдуу коом тууралуу утопия менен антиутопиянын айкалышы, ар кимдин ички дүйнөсүн жана элесин чагылдырып, ой жүгүртүүгө түрткү берет.