«JAS TIME - ЖАҢА БАҒЫТ» халық аспаптар ансамблінің концерті

Қалибек Қуанышбаев атындағы Қазақ ұлттық музыкалық драма театрының Халық аспаптар ансамблі көрермен назарына «Jas Time - Жаңа бағыт» атты концертін ұсынады.

Концертте қазақ халқының музыкалық мұрасы жаңа бағытта жаңаша сипат алып, халық әндері мен күйлері орындалады. Ансамбль құрамын домбыра, сыбызғы, дауылпаз, шаңқобыз, шіңкілдек, саз сырнай, жетіген, қыл қобыз және басқа да қазақ ұлттық аспаптарын жетік меңгерген әмбебап орындаушылар құрайды.

Ансамбльдің репертуары көне дәуірден жеткен қазақ күйлері мен заманауи композиторлардың шығармаларына бай.