Премьера! Қорғансыздың күні

Қазақ әдебиетінің классигі Мұхтар Әуезовтің «Қорғансыздың күні» шығармасы – тағдырдың тәлкегіне түскен адамның халі мен әділетсіз қоғам шындығын бейнелейтін терең туынды. Жазушы жас Ғазиза бейнесі арқылы әлеуметтік теңсіздікті, адам тағдырын аяқасты еткен қатыгездікті, озбырлық пен дүниеқоңыздықты айна-қатесіз суреттейді.

Қойылымда қорғансыз жанның қасіреті мен жан дүниесіндегі арпалыс көрініс табады. Бұл драма – ұлттық мінезді, заман шындығын, адамгершілік пен ар-ождан мәселесін қозғайтын мәні зор қойылым.