«Қыз Жібек»
«Қыз Жібек» лиро-эпостық дастаны - Төлеген мен Қыз Жібектің адал махаббатын әспеттеген қазақтың жақұт жырларының бірі. Қаншама ғасыр ел жадында сақталған жырдың 16 нұсқасы белгілі. Әлі күнге дейін өзектігін жоғалтпай келе жатқан туындының сыры неде? Сіз бен біз білетін қос ғашықтың қосылмауына кінәлі расымен де Бекежан ба, әлде Базарбайдың өз ұлына берген теріс батасының кесірі ме? Мүмкін сіздің ұсынар өз нұсқаңыз табылар?
Жүсіпбек қожа Шайхисламұлының «Қыз Жібек» лиро-эпосында жырды жаңаша интерпретацияда тамашалай аласыздар. Спектакльде кейіпкерлердің ішкі күйін, жан тебіренісін, сезім иірімдеріне бұрыңғыдан тереңірек үңілуге мүмкіндік туады.
Кейіпкерлер мен орындаушылар:
Базарбай – Айбол Шәкіржанов, Сырлыбай – Бағлан Иманғазинов, Қамқа – Ажар Шәкіржанова, Қыз Жібек – Аида Жанзакова, Төлеген – Әли Бидахмет, Бекежан – Нұржігіт Муслимов, Қаршыға – Әли Қалдар, Шеге – Ерасыл Ахан, Дүрия – Еңілік Айымғазы, Қыздар –Айбану Байболатова, Айша Ағымғазы, Жігіттер – Ақжол Амантай, Дарын Нұрсадық, Ақниет Жақсығали.
