«Сағыныш сазы» в Кокшетау

22 қаңтар күні филармония төрінде К.Күмісбеков атындағы қазақ халық аспаптар оркестрінің «Сағыныш сазы» атты концерті өтеді.

Оркестрдің көркемдік жетекшісі және бас дирижері - «Мәдениет саласының үздігі» Руслан Қойшыбаев.

Концерттік бағдарламада уақыт сынынан өткен әуендер мен аты аңызға айналған хит әндер орындалады. Кеш барысында өнер сүйер қауым өткен күндерді еске алып, жастық шақтың жүрекке жылы сазды әндерін оркестрдің сүйемелдеуінде филармония солистерінің орындауында ерекше атмосферада тыңдап, әншілермен бірге қосыла шырқап, рухани ләззат алады.

«Сағыныш сазы» концерті - көрерменді сағыныш пен сырға толы әуен әлеміне жетелейтін, рухани ләззат сыйлайтын кеш.