Тақиялы періште. Премьера!

«Тақиялы періште» – лирика мен комедияның, дәстүр мен заманауилықтың тоғысы.

«JAN» иммерсивті театры ұсынған жаңа қойылым – қазақ киносының алтын қорына еніп аңызға айналған оқиғаның тың интерпретациясы. «Тақиялы періште» – адам жанының тазалығын, мейірім мен адалдықтың мәңгілік құндылығын еске салатын рухани кездесу.

Осы қойылым арқылы JAN театры көрерменге шындық пен ізгілікке адал болу – қазіргі әлемде мүмкін бе? - деген сұрақ қояды. Себебі бұл – адам баласындағы жылулық пен жүрек тазалығы ешқашан ескірмейтінін дәлелдейтін оқиға.