Туған күн

Ағылшын драматургі  Рэй Кунидің бұл пьесасында сүттей ұйып отырған жас отбасының басына түскен қысылтаяң әрі күлкілі бір жайттың жай-жапсары, адам сенгісіз әсері суреттеледі. Банктың жас қызметкері, қарапайым бухгалтер Генри Перкинс ойламаған жерден көп ақша тауып алып, иен-тегін мол байлыққа кенеледі. «Ақшаның жұлдызы ыстық», қазақ мәтелінде айтылған бұл шындық комедия кейіпкерлерін бас-аяғы бірер сағаттың ішінде басын айналдырып, шырғалаңға салып жібереді. Ақшаның құдіреті табанда мәлім болады, адам баласының мінез-құлқы мен іс-әрекеті қас қаққанша өзгеріп, жынша құбылып шыға келеріне көрермен қауым куә болады.

Актерлік құрам: Сая Тоқманғалиева, Инабат Әбенова, Жасұлан Ерболат, Олжас Дәлелхан, Алтынгүл Серкебаева, Айкөркем Тұранова, Шах-Мұрат Ордабаев, Бекарыс Шалқар, Самат Байыров, Нұрсұлтан Есен, Асылбек Қапаев, Ерғұлан Жанпейісов, Дастан Әлімов, Жанат Оспанов