«Онегин» спектаклі

«САМи» театрының спектаклі «Конкордия» театрының сахнасында ұсынылады. Керемет мәтін, бір оқығаннан баурап алар сюжет, кейіпкерлердің көпқырлылығы мен тереңдігі - осының бәрі Пушкиннің «Евгений Онегин» туындысында жинақталған.

Біз Пушкин тіліне мүмкіндігінше ұқыпты болып, сюжетті, оқиға желісін сол күйінде сақтауға тырыстық, оны әйгілі авторлық пікірлермен толықтырып, өткір, қарама-қайшылыққа толы және заманауи етіп жаңаша мән бердік. Мәтінге сонымен қатар А.С.Пушкиннің әзілкеш әрі тіпті бұзақылық эпиграммалары да енгізілді.

Осының бәрін төрт кейіпкер - Онегин, Ленский, Татьяна және Автор мінсіз, нәзік түрде сахнада сомдайды. Пушкин немесе бұл қойылымдағы Автор өзіне жақын үш кейіпкерге бөлініп, оқиға желісін пайымдауды дәл соларға тапсырады. Кейде кейіпкерлер оқиғаны өз тарапынан таныстырып, кейде сол сәтте отырып өздері-ақ түсініктеме береді.

Сонда, мектеп кезінен құлаққа сіңіп қалған, бәріміз жаттап алған романның «ақиқаттары» бұрынғы таныс кейпінен айырылып, жаңа қырынан танылады. Мәтін өзінің жаңа өмірін бастайды. Ал актерлер «канондық» әрі «өзгертуге жатпайтын» мәтінмен жеңіл, табиғи және аса өзекті диалогқа түседі.

Музыка - бұл оқиғаның дербес, ерекше кейіпкері. Оның маңызы оқиғаға ерекше реңк берумен шектеліп қоймайды, музыканың өзі жеке-дара оқиға әрі оның қозғалтқышы, қуаты.

Қатысушылар:
Сергей Чонишвили - Автор
Даниил Страхов - Онегин
Ирина Пегова - Татьяна
Алиса Гребенщикова - Татьяна
Сергей Шнырёв - Ленский

Музыка:
Ансамбль 4'33"
Денис Калинский - аранжировка
Антон Якушев - скрипка