«Аяз апа» Премьера!

Жаңа жылдық көңіл күй қайда жоғалды?

Ол «ересек» өмір күйбеңінің, цинизмнің және шексіз шығындардың астында қалып қойды ма? Әлде біз бақыт сыйлықтың бағасына немесе дастарқанның сәніне байланысты емес екенін, оның қарапайым, бірақ шынайы ғажайыпты сезінуден, тазалық пен сиқырды күту күйінен туатынын ұмытып кеттік пе?

Жаңа жыл қарсаңында жалғызбасты ер адам күтпеген қонаққа тап болады, оның үйіне Аяз апа келеді. Құр келіп қана қоймай, басты кейіпкердің бала кезінде жазған бір қап хаттарын ала келеді. Ұмыт қалған армандар мен сатып алуға болмайтын құндылықтар туралы естеліктер арқылы кейіпкер өз-өзімен бетпе-бет қалады.

Бұл - бәріміздің ішімізде ересек өмірге «жер аударылған» бала бар екенін еске салатын пьеса. Нағыз мереке - қымбат сусын да, әсем шырша да емес, бала кезімізден таныс сол бір ғажайыпты сезіну.

Жаңа жылдық сиқырға шын сенудің қандай екенін қайта еске салатын қойылымнан қапы қалмаңыздар.

Жаңа жылды бақыт қоры мол күйде қарсы алыңыздар!

Аяз апаны қуанта жүріңіздер!