Фрида

Әйел бейнесін ашып көрсетеміз. Гүлден тоқылған тәж киіп, инстаграм мен тик-токты жаулап алған жалған бейнені емес. Аяғынан айырылып, өмірдің азабы мен махаббатын өнеріне сыйдырған, сюрреализм мен ретаблоның арасында өз жолын тапқан, күйеуінің көңілдестерімен ашық сөйлескен, Нью-Йорктің биік сахналарын бағындырған, ал есік алдында «лас мексикалық» деп менсінбей кіргізбеген портьемен айқасқан шынайы Фриданы көрсетеміз.

Махаббатты әнмен шертеміз, азапты бимен сөйлетеміз, әйел тағдырының ащы шындығына назар салдырамыз. Өмір - махаббат, махаббат - азап, азап - Құдай, Құдай - өмір…

Қосымша: Спектакльдің ерекше атмосферасын сақтау үшін қойылым басталған соң залға кіруге рұқсат берілмейді. Өкінішке қарай, кешігіп келген көрермендер кіре алмайды (билеттер жарамсыз деп есептеледі).