GALA OPENING. «БІЗДІҢ ЖӘРМЕҢКЕ» - ұлттық өнер мерекесі!

Роза Бағланова атындағы «Қазақконцерт» мемлекеттік академиялық концерттік ұйымы «Халық қазынасы» ұлттық өнер орталығының «Біздің жәрмеңке» атты думанды кешіне шақырады!

Қоянды, Қарқаралы, Көкжар және басқа да тарихи жәрмеңкелерімізге жаңа леп берген өнер жәрмеңкесінің ерекше атмосферасын сезініңіз!

Ұлттық өнердің барлық қырын қамтитын шоу-концерт қазақтың дәстүрлі өнерін жан-жақты аша түспек.

Рухани кеште Жанғали Жүзбай, Толғанбай Сембаев, Медет Салықов, Перизат Тұрарова, Елмұра Жаңаберген, Ардақ Балажанова, Нұрболат Арзамасұлы, Айгүл Елшібаева, Клара Төленбаева, Раушан Оразбаева, Ақерке Тәжібаева, Айзат Қарабекова, Ерболат Шалдыбеков, Құмарбек Қалқатай, Дінисламбек Жайлаубай, Асқар Мұқият, Біржан Айтахметов, Алихан Дүйсенбай, Күнсұлу Түрікпен, Венера Табыс, Дәрия Бекпенбетова, Аяулым Қамажан өнер көрсетеді. Бұған қоса, «Астана сазы» мемлекеттік фольклорлық ансамблі мен «Бірлік» ән-би ансамблі өз өнерлерін ортаға салады.

Әуелеген әсем ән, күмбірлеген күй, жыр жауһарларын және төл өнеріміздің үздік үлгілерін паш ететін кештен қапы қалмаңыздар!