«Кармен-сюита» бір актілі балет спектаклі Жас Сахна театрында

Қазақстан Республикасы Мемлекеттік академиялық би театрының таңғажайып балет кеші. Қазақстан Республикасы Мемлекеттік академиялық би театры көрерменге Ж.Бизе мен Р.Щедриннің музыкасына қойылған, балет аңызы Болат Аюхановтың сахналық нұсқасындағы «Кармен-сюита» атты мәңгілік жауһарды ұсынады. Сонымен қатар театр тарихындағы ең жарқын қойылымдардан үзінділер енгізілген концерттік бағдарлама көрсетіледі.

Бір актілі балет - «Кармен-сюита»

Музыка: Ж. Бизе - Р. Щедрин

Хореография: Б. Аюханов

Қала алаңы. Қарауылдың ауысуы. Коррехидор (офицер) Хозе есімді сарбазды постқа қояды. Сымбатты жас сарбаз цыган қызы Карменнің назарын аударады. Ол Хозені өзіне қаратуға тырысады. Хозе оған еліктегенімен, борышына адал болып, орнын тастап кетпейді.

Кенеттен темекі фабрикасының жұмысшы әйелдері арасында жанжал туындайды. Кармен бастамашы деп танылады. Коррехидор Хозеге оны түрмеге апаруды бұйырады.

Жолда ғашық болған Хозе сүйіктісін босатып жібереді — бұл заңға қайшы әрекет. Сүйіктісінен айырылмау үшін ол дезертир атанады.

Кенет сахнада жұрттың сүйіктісі - әдемі де қаһарман Тореро пайда болады. Оның ареналардағы ерліктерін әңгімелеуі Карменді елітеді. Хозе қызғаныш отымен жанып жатса да, Кармен оған назар аудармайды.

Коррехидор келіп, Хозені казармаға қайтаруды талап етеді. Ашуға булыққан Хозе пышақ суырып, офицерді қуып жібереді. Бұл әрекеті Карменге әсер етеді - ол қайтадан Хозеге ғашық болады.

Кармен фортунаны ашып отырады. Сахнада - Рок, тағдырдың зұлым бейнесі пайда болады. Ол Карменнің қайғылы тағдырын болжайды.

Бұқа аренасы. Тореро өз шеберлігін паш етеді. Оның қарсы алдында - бұқа мен Роктың бейнесін біріктірген тылсым күш. Кармен Торероны сүйсіне тамашалайды. Сол сәтте Хозе келіп, махаббатын қайтаруын сұрайды. Бірақ тәкаппар ару оны қатігездікпен кері итереді. Қайғы мен үмітсіздікке бой алдырған Хозе Карменді қанжармен жаралайды...

*Балет аудиожазба сүйемелдеуімен орындалады

*Театр орындаушылар құрамына өзгерістер енгізуге құқылы

*Көрермендер залында сатып алынған билеттерге сәйкес орналасуларыңызды сұраймыз