ЕРКЕШ ШАКЕЕВ - «Алаш»

31 мамыр - саяси репрессия мен Қазақстандағы ашаршылық заманының құрбандарын еске алу күні.

«Алаш» альбомының тұсаукесері. Әндер авторы және орындаушысы - Еркеш Шакеев.

Кештің арнайы қонағы - танымал қазақстандық режиссер Ермек Тұрсынов. 

Сондай-ақ, концертте Мемлекеттік Академиялық корей театрының әртістері, Q»Band тобы ат салысады. 

Билет сатылымынан алынған қаражат репрессияға ұшыраған қазақстандық ақындар шығармашылығын дамытуға жіберіледі. 

Еліміздің тарихында тұңғыш рет көрнекті қазақ қайраткерлері мен ақындарының - Сәкен Сейфуллин, Мағжан Жұмабаев, Ахмет Байтұрсынұлы, Міржақып Дулатов, Ілияс Жансүгіров, Шәкәрім, Бейімбет Майлин, Сұлтанмахмұт Торайғыров - өлеңдеріне жазылған әндер жинағы жарық көрмек. Бұл әндер Еркеш Шәкеевтің «Алаш» атты альбомының тұсаукесер кешінде және концерттік бағдарлама аясында қазақ тілінде орындалып, экранда аудармасы көрсетіледі. Бағдарламада көрерменге жақсы таныс Еркеш Шәкеевтің авторлық әндері де шырқалады.

«Алаш» альбомы Лондонда орналасқан әйгілі Metropolitan Studios студиясында және Алматыдағы Юрий Демченко студиясында жазылды. Альбомның сведение жұмыстары Grammy сыйлығының иегері Paul Norris-ке, ал мастеринг - Grammy сыйлығының 2025 жылғы иегері Matt Colton-ға тиесілі. Концерт барысында тыңдарман осы түпнұсқа туындыларды тыңдай алады.

Еркеш Шәкеев / Yerkesh Shakeyev - аңызға айналған қазақстандық композитор, ақын және орындаушы. 800-ден астам ән мәтіндері мен музыкалық туындылардың авторы, оның ішінде 700-ден астамы жарияланған. Шамамен 60-қа жуық әні А»Студио тобы және Батырхан Шүкеновпен тығыз байланысты, олардың арасында «Нелюбимая», «Твои шаги», «Стоп, Ночь», «Белая река», «Солдат Любви», «Эти тёплые летние дни», «Время Любви», «Душа», «Fashion Girl», «Кто», «Всё пройдёт», «Остров Надежды» сынды аңыз әндер бар (соңғысы Алла Пугачёвамен орындалған).

Сондай-ақ, ең танымал әндерінің қатарына:

«Зажигай сердце» - Ани Лорак, «Донна Осень» - Дуэт «L», «Девочка в платьице белом» - Дуэт «Мюзикола», «Молитва» - Анита Цой, «Зимние Ливни», «Асыл Әжем» - Рахат Тұрлыханов, «Крёстная Мать» - Парвиз Назаров, «Сердце под прицелом» - топ 101, «Никому Тебя я не Отдам» - Еркеш Шәкеев өз орындауында.

Еркеш Шәкеев 65-тен астам композицияны әйгілі оркестрлермен жазды: London Symphony Orchestra, Royal Philharmonic Orchestra, London Metropolitan Orchestra, London Voices. Сонымен қатар, Maxim Mrvica, John Lenehan, Alexander Baillie, Vadim Eiltncrig, Chloe Hanslip (BRIT Awards иегері) секілді танымал солистермен бірге Abbey Road Studios, Air Studios студияларында жазылған. Бұл туындыларды интернет желісінен Yerkesh Shakeyev есімін теру арқылы тыңдауға болады.

Автордың неоклассикалық жанрдағы альбомдары: «Waves from Heaven», «Wedding Symphony», «Remember Me», «Celestial», «Blossom» интернет платформаларда жарық көрген.

Еркеш Шәкеевтің музыкалары 2022 жылы Англияда өткен International Composers Festival фестивалінің ашылу және жабылу салтанаттарында, сондай-ақ Грузия, Қытай, Түркия, Испания, Аустралия, Үндістан, Нидерланд және Қазақстандағы халықаралық фестивальдерде орындалды. Оның шығармаларына 150-ден астам партитура жазылған.

Негізгі авторлық концерттері:

«Авторлық концерт - 1998, Республика сарайы», «Биіктік - 2002», «Жаңа биіктік - 2003», «50 хиты Еркеша - 2012» (Алматы, Астана, Көкшетау), «Көпбалалы және мұқтаж отбасыларға арналған қайырымдылық концерт - 2019», «Operalia» (Русанда Панфили мен Оливер Пул қатысуымен), «EastWest in Almaty - 2022», «EastWest in Astana - 2022» (Марио Стефано Пьетродарки, Оливер Пул, Вадим Эйлтнкриг қатысуымен), Авторлық форматтағы концерттер: «Антиконцерт #1», Симфо-квартирник, «Гитарамен айтылған әндер» кеші.

Шетелдегі концерттер:

- 2015 жыл - St 'Luces, London - Лондон симфониялық оркестрі & Марат Бисенғалиев, дирижер Lior Shambadal (Berlin Symphonic Orchestra)

- 2018 жыл, Лондон Cadogan Hall Корольдік филармониялық оркестрімен «Waves from heaven», дирижер David Firman

- 2018 жыл «Waves from heaven» Цинандалиде Georgian Philharmonic Orchestra-мен.

- 2021 жылдың қазан айында Мәскеудегі Чайковский атындағы залда әйгілі трубашы Vadim Eilencrig бар «Пирс 39» джаз альбомының тұсаукесері өтті; «Радио Джаздағы ең үздік джаз альбомы» номинациясына ие болды.

- 2025 жылы оның шығармаларын Seoul Philharmonic Orchestra орындады