«Балет айтпайтын сыр» заманауи бір актілі спектаклінің тұсаукесері

2025 жылдың 3 қарашасында Қазақстан Республикасының Мемлекеттік академиялық би театры П. И. Чайковскийдің музыкасына Олег Игнатьевтің хореографиясымен қойылған заманауи бір актілі «Балет айтпайтын сыр» спектаклінің тұсаукесерін ұсынады. Би өнерінің сахна сырты - әрдайым құпияға толы әлем. Сол тылсым тартымдылығымен баурап, көрерменге әртістер өмірінің көрінбейтін қырларын сезіндіреді. Онда интрига да, кәсіби әзіл мен бірегей болмыс та бар. Бұл спектакль театр өмірінің ішкі тынысын көрерменге айқара ашып, тек шындықты көрсетіп қана қоймай, оның сұлулығын да паш етеді.

Алматы қаласындағы театрлардың бірінде өткен жазғы тұсаукесерде бұл балет батыл, әсерлі әрі ирониялық туынды ретінде қабылданды. Көрермендер ду қол шапалақтап, Чайковский музыкасының тынысын, Олег Игнатьев пластикасының тілін ұзақ ұмытпады. Бірақ бұл оқиғаның басы ғана. Енді сол нәзік те шынайы әлем өзінің бар болмысымен Абай атындағы Қазақ ұлттық опера және балет театрында ашылады. Балет айтпайтын сырды сезіну мүмкіндігінен қапы қалмаңыздар...

* Балет аудиожазба сүйемелдеуімен орындалады.

* Театр орындаушылар құрамына өзгерістер енгізуге құқылы.

* Құрметті көрермендер, билеттеріңізге сәйкес өз орындарыңызды алуыңызды сұраймыз.