Сусхотиннің әні

Baqionyr фестивалі аясында көрермендер ұмытылмас өзбек фильмін тамашалайды. Әр жүректі дүр сілкіндіріп, терең ойға жетелейтін, қайғы, үнсіздік және әділет үшін күрес туралы туынды.

Алыс бір ауылды аяусыз қуаңшылық жайлаған - жаңбыр жаумай талай ай өтті. Тұрғындар бұл апат пен жоқшылықтан құтылу үшін түрлі көне ғұрыптарды жасайды. Бірақ қуаңшылық басылар емес. Халық қиналып, қайғысын кімге айтарын білмейді. Осындай сәтте ауылға бұрынғы шенеунік, досын іздеп шыққан Ахбор келеді. Кәмелетке толмаған қыз зорланып, өмір бойы кабинеттен шықпай қоғамды басқарған Ахбор күтпеген оқиғаның куәсі болады. Бұл сұмдықты оның әкесі де, бүкіл ауыл да, тіпті молдалар да жасырады. Ал әділетсіздік жайлы мақала жазған Усман жала жапты деген айыппен түрмеге түседі. Ахбор досы Усманды құтқару үшін өзінің беделін пайдаланбақ болады. Бірақ ол бір кездері кабинетінде отырып өзі құрған жүйеге билік ете алмайтынын түсінеді.