Шәмші Қалдаяқовтың ән кеші

Қазақ вальсінің патшасын еске алу концерті Республика сарайында. Оның әндері әрбір отырыстың ажарын ашып, қазақ жанының ажырамас бөлігіне айналды. Кеш бағдарламасында халық жүрегінен орын алған сүйікті туындылар шырқалады: «Ана туралы жыр», «Ақ бантик», «Сыған серенадасы» және тағы да басқа жауһар әндер. Сахна төрінде Майра Ильясова, Тамара Асар, Салтанат Бақаева, Ералхан Әбішев, Жеңіс Ысқақова, Сәкен Жақсылықұлы, Айгүл Елібаева, Тоқтар мен Бейбіт және басқа да танымал өнерпаздар өнер көрсетеді. Концерт жарқын, жүрекке жылы әрі ұмытылмас кеш болмақ.