«Шелкунчик» Astana Ballet театрында

Үш актілі балет

Музыкасы: Пётр Чайковский
Либретто мен сценарийі: Мариус Петипа (Э. Т. А. Гофманның ертегісі негізінде)
Хореография: Василий Вайнонен
Қоюшы режиссер: Ресейдің халық әртісі Алтынай Асылмұратова
Костюмдер: Ольга Шаишмелашвили
Сценография: Жандос Омаров

Қойылым неміс жазушысы Э.Гофманның ертегісі негізінде А.Дюма-әкенің мазмұндауы бойынша құрылған, туынды қуыршақ пен тышқан патшасы туралы сыр шертеді. «Шелкунчик» балеті бүгінде әлемдік сахналардың ажырамас бөлігіне айналып, Жаңа жыл мерекесінің басты символдарының бірі ретінде танылған. Қойылымның сан түрлі интерпретациясы болғанымен, Василий Вайнонен нұсқасы әлемнің жетекші театрларында жиі орындалады. Әсіресе, оның туған сахнасы - Мариин театры бұл балеттің шынайы үйі саналады. Алғашқы премьерасы Санкт-Петербургте өтіп, басты рөлдерде аңызға айналған бишілер Галина Уланова мен Константин Сергеев өнер көрсеткен. Бұл нұсқаның басты ерекшелігі - ертегідей нәзік көңіл күйі мен әсем сахналық бейнелері. Романтикалық кейіпкерлер, жарқын костюмдер және шебер хореография көрерменді сиқыр әлеміне жетелейді. Сол себепті де бұл туындыны жиі «балет-феерия» немесе «ертегі-балет» деп атайды.