«Щелкунчик» балеті
Ballet Globe халықаралық би фестивалі Абай атындағы Қазақ ұлттық академиялық опера және балет театрымен бірлесіп, сіздерді ең сүйікті жаңажылдық қойылым – «Ballet Globe ұсынған жұлдызды Щелкунчик» спектакліне шақырады! Петр Ильич Чайковскийдің мәңгілік классикасы сіздерді Қазақстан Республикасының Халық әртісі Гүлжан Түткібаеваның қойылымында ертегілер мен ғажайыптар әлеміне жетелейді. Спектакльдер Үлкен және Мариинский театрларының әлемдік балет жұлдыздарының қатысуымен, Абай театрының балет әртістері мен симфониялық оркестрінің сүйемелдеуімен өтеді, бұл сиқырлы атмосфераға ерекше үн қосады.
«Ballet Globe ұсынған жұлдызды Щелкунчик» жаңажылдық спектакльдері 24-26 желтоқсан аралығында сағат 13:00-де және 19:00-де өтеді. Әрбір қойылым ерекше эмоциялар сыйлап, кешіңізді ұмытылмастай етеді. Сіздерді Василий Вайноненнің таңғажайып костюмдері, салтанатты декорациялары және естен кетпес хореографиясы күтеді. Мұның бәрі алғашқы минуттардан бастап баурап алатын сиқыр мен ғажайып атмосферасын сыйлайды.
Қуыршаққа айналған сұлу ханзада мен Щелкунчикке сұмдық Тышқандар патшасын жеңіп, бақытқа жетуге көмектесетін мейірімді Маша қыз туралы ғажайып оқиға балаларды да, ересектерді де еліктірмей қоймайды. Бұл таңғажайып, жұмбақ, мейірімді рождестволық ертегі – сиқырлы сюжеті мен жарқын көріністер калейдоскопы бар нағыз жаңажылдық отбасылық спектакль. Бірақ ең бастысы, бұл оқиға ғажайыпқа сенсең, оның міндетті түрде орындалатынын еске салады.
Өзіңізге және жақындарыңызға ертегідей әсерге толы кеш сыйлаңыз. Ballet Globe-пен бірге керемет мерекенің бір бөлігі болуға асығыңыз!
