Классикалық музыка концерті - «Time of Strings»

«Camerata Kazakhstan» мемлекеттік камералық оркестрі өзінің XXIX концерттік маусымының ашылуына сізді қуана шақырады.

Жаңа маусым керемет бағдарлама және жарқын қонақ-солистпен басталады.

Бірнеше жыл бұрын алматылық тыңдарман скрипкашы Леонид Барановпен алғаш танысып, оның орындаушылық шеберлігіне тәнті болған еді. Екі турдан тұратын Violinissimo байқауында өнер көрсеткен ол бас жүлдені жеңіп алып, Швейцарияға музыка сүйер қауымның және кәсіби мамандардың ықыласымен оралды.

2025 жылдың қыркүйегінде Жамбыл атындағы Қазақ мемлекеттік филармониясының сахнасында шын мәніндегі биік музыкалық өнерді тамашалауға шақырамыз - бұл «Time of Strings» концерті.

Бағдарламада:

Ф. Мендельсон-Бартольди

Скрипка мен оркестрге арналған ре минор концерт (1822), MWV O 3 - үш бөлімнен тұрады

И. Фролов

Дж. Гершвиннің «Порги мен Бесс» операсы тақырыптарына құрылған концерттік фантазия

П. И. Чайковский

«Флоренция естелігі», Op. 70 - төрт бөлімнен тұрады

(Концерт бағдарламасы ұйымдастырушы тарапынан өзгеруі мүмкін)

Орындаушылар: «Camerata Kazakhstan» мемлекеттік камералық оркестрі
Көркемдік жетекші - Қазақстанның халық артисі Гаухар Мырзабекова

Солист: Халықаралық байқаулардың лауреаты, Luzerner Sinfonieorchester оркестрінің әртісі

Леонид Баранов | Швейцария

Леонид Баранов туралы: Санкт-Петербург қаласында дүниеге келген Леонид скрипка өнерін Ресей, АҚШ және Швейцарияда Анелия Склярская, Риза Гималетдинов, Шмуэль Ашкенази, Вадим Глузман, Дора Шварцберг, Григорий Калиновский, Павел Верников, Илья Грингольц және Юки Вонг секілді танымал профессорлардан үйренген.

15 жасынан бастап солист ретінде өнер көрсете бастаған ол Венаның Концертхаус, Израильдік опера театры (Тель-Авив), Мариин театры (Санкт-Петербург), Цюрих Тонхалле және Нью-Йорктегі Карнеги-холл сияқты әйгілі сахналарда ойнаған.

Қонақ-солист ретінде Люцерн симфониялық оркестрі, Санкт-Петербург мемлекеттік симфониялық оркестрі, Қазақстанның мемлекеттік академиялық симфониялық оркестрі мен Лозанна симфониеттасымен бір сахнада өнер көрсеткен. Ол Александр Титов, Юрий Симонов, Давид Рейланд, Джонатан Блоксхэм секілді дирижёрлермен жұмыс істеген.

2022 жылы Леонид Цюрихтегі Rahn Kulturfonds сыйлығының иегері атанды. 2022-2024 жылдар аралығында Цюрих филармониясының мүшесі болды. Ал 2024/25 маусымында Luzerner Sinfonieorchester құрамына қабылданды.

Қарбалас гастрольдік кестеге қарамастан, Леонид жеке және камералық музыка саласындағы шығармашылығын Швейцария, Еуропа және АҚШ сахналарында жалғастыруда. Қазіргі таңда ол Антонио Мариани жасаған, 1667 жылғы шеберлік скрипкасында ойнайды.