«Цветень» Фольклорлық ансамблі Петропавл қаласында
«Цветень» Фольклорлық ансамблі Петропавл қаласында
ЦВЕТЕНЬ ансамблі - әртүрлі аймақтардың халық әндерін этно-поп стилінде орындайтын Ресейдің кәсіби фольклорлық ұжымы. 1999 жылы Қорған қаласында құрылған. Бүгінде олар бұл жанрдағы ең танымал интернет-фолк-ұжымдардың бірі. Ансамбльдің ерекшелігі - көне халық әуендерін заманауи музыкалық өңдеумен шебер үйлестіріп, өзіндік айқын әрі танымал музыкалық сарынын қалыптастыруы.
Сахналық қойылымдар, ұлттық костюмдердің бірегейлігі, көрерменмен тікелей байланыс, заманауи аранжировка - мұның бәрі көрерменді халық мұрасына жаңа қырынан танытады. Бағдарламада - көңілді билік әндер, нәзік лирика мен әуезді этникалық әуендер бар.
Ансамбль «Россия 1», «Первый канал», НТВ, ОТР сияқты федералдық арналардың музыкалық және ойын-сауықтық бағдарламаларының қонағы («Привет, Андрей!», «Поле чудес», «Сто к одному», «Страна талантов», «Поедем, поедим», «Утро России», «Доброе утро» және т.б.). 2022 жылы Халықаралық «МИР Сибири» этномузыка фестивалінің лауреаты атанды. 2021 жылы «Мәдениет» ұлттық жобасы аясындағы бүкілресейлік байқауда Ресейдің үздік 20 фольклорлық ансамблінің қатарына енді.
Ансамбль Надежда Бабкина жетекшілік ететін «Песни России» фестиваль-марафонына, «Сириус» қаласында өткен Бүкіләлемдік жастар фестиваліне қатысты. 2023 жылы Витебскідегі «Славян базарының» хедлайнері болды. Сонымен қатар Татарстандағы «Каравон» (2022), Оңтүстік Оралдағы Бажов және Бушуев фестивальдері (2022-2024), Мәскеудегі «Вкусы России» фестивалі (2023) сияқты ірі шараларда өнер көрсетті. «Россия» көрмесінде (ВДНХ, Мәскеу) тұрақты түрде концерт береді. 2024 жылы ансамбльдің 25 жылдығына орай Ресей бойынша үлкен мерейтойлық тур өтті.
