ФРАНЦУЗ МУЗЫКАСЫНЫҢ КЕШІ

 «FORTE-TRIO ұсынады» топтамасы

ФРАНЦУЗ МУЗЫКАСЫНЫҢ КЕШІ

(Эрнест Шоссонның 170 жылдығы мен Габриэль Форенің 180 жылдығына орай)

Ұзақтығы – 1 сағат 20 минут

Жас шектеуі 10+ екендігіне назар аударуды сұраймыз

Дирекция орындаушылар мен орындалатын шығармаларды ауыстыру құқығын өзіне қалдырады

FORTE-TRIO Қазақстан Республикасы мемлекеттік триосының «Астана Опера» театры Камералық залындағы концерттері игі дәстүрге айналып, үнемі классикалық музыка сүйер қауымның басын қосады.

Ансамбль өзінің бай әрі сан алуан репертуарымен танымал: өнерпаздар қоржынында барокко дәуірінің таңдаулы музыкасынан бастап заманауи композицияларға дейін, атақты классика жауһарларынан бастап жарқын джаз туындыларына дейін бар. Осының арқасында FORTE-TRIO концерттері тыңдармандарға музыкалық өнердің жаңа қырларын паш ете отырып, көпшілік көрерменді өзіне баурап алады.

Жаңа күзгі маусымда ұжым барша әлемдегі музыкалық қауымдастық мерейтойларын атап өтіп жатқан әйгілі француз композиторлары – Эрнест Шоссон мен Габриэль Форенің шығармашылығына арналған бағдарламасын ұсынады.

Көрермендерді әсемдік пен үйлесімге толы талғампаз әрі шабыттандырар музыка қарсы алады. Бұл кеш камералық жауһарларды тамсана тыңдап, FORTE-TRIO-ның көп жылдар бойы тыңдарманына сыйлап келе жатқан өнерімен бетпе-бет жолығу атмосферасын сезінуге тамаша мүмкіндік болмақ.

БАҒДАРЛАМА:

Э.Шоссон. Фортепианолық трио, соль минор ор. 3

1. Pas trop lent

2. Vite

3. Assez lent

4. Animé

Г.Форе. №1 фортепианолық квартет, до минор ор. 15

1. Allegro molto moderato

2. Scherzo. Allegro vivo

3. Adagio

4. Allegro molto

ОРЫНДАУШЫЛАР:

«FORTE TRIO» ҚР мемлекеттік триосы құрамы:

Тимур УРМАНЧЕЕВ (фортепиано)

Мақсат ЖҮСІПОВ (скрипка)

Мұрат НАРБЕКОВ (виолончель)

Концертке Леонид МЫСОВСКИЙ (альт) қатысады

Ұжымның көркемдік жетекшісі – Қазақстанның еңбек сіңірген қайраткері 

Тимур УРМАНЧЕЕВ.

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.