Мураками тобы Өскеменде
«Мураками» рок-тобы «Таңдаулы» бағдарламасымен Қазақстан бойынша турнеге аттанады. Айтулы атау мен белгісіз сет-лист — бұл шоуға арналған әндерді топ жанкүйерлерінің өздері таңдайтын, сұраныстар бойынша өтетін концерттер сериясы.
Диляра Вагапова, «Мураками» солисі:
«Таңдаулы» туры — бұл залдағы әрбір адам концерттің трек-листін дәл өзі құрастырғанына сенімді болатын кез. Біз тыңдармандарымыздан қандай әндерді естігілері келетінін сұраймыз, барлық пікірлерді оқып, бірлесіп тамаша тізім жасаймыз. Көрермендер сүйікті әндерін тыңдайды, ал «Мураками» сүйікті қалаларына аттанады. Осындай жан тебірентерлік алмасу бізді осы күзде күтуде!
«Мураками» үнемі қозғалыста: жаңа концерттік шоулар ойлап табады, жаңа альбомды шығаруға дайындап жатыр, ал гастрольдік кестесі бір жыл бұрын жасалған. Олар эксперименттерден қорықпайды — олардың шығармашылығында лирикалық балладаларға да, қуатты рок-манифесттерге де орын бар. Ең бастысы — «Мураками» тобы 20 жылдан астам уақыт бойы махаббат туралы рок-әндер жазып келеді, олардың көпшілігі 12 студиялық альбомға, live-альбомға және «ХХ лет. The Best» жинағына енген.
Тұрақты құрамда: Диляра Вагапова (вокал), Раиль Латыпов (гитара), Ильдар Субаев (бас-гитара), Тарас Андреев (барабандар), Рустам Чумарин (гитара).
«Гулять» немесе «Олдбой», «Бред» немесе «Нулевой километр», «Наутек» немесе «Везувий», мүмкін «Одиночество», «Кепочка» немесе «Невозможно» - «Мураками» тобының жаңа шоуына қандай әндер кіргенін Алматыда 9 қарашада өтетін концертте біле аласыздар. Жіберіп алмаңыздар!
