Марк Грауденнің жалғыз концерті Алматы қаласында

28 мамыр күні La Boheme театрында ерекше іс-шара өтпек - Алматыда Марк Грауденнің жалғыз концерті!

Марк Грауден - америкалық композитор, әнші әрі мультиаспапшы. Ол өз сезімге толы өнерімен және Үндістаннан бастап Ресейге дейінгі түрлі мәдениеттерден шыққан музыканттармен жасаған шығармашылық бірлесуімен танымал.

Марк концерт барысында банджода, аккордеонда ойнап, этникалық флейталар мен варғанда өнер көрсетеді. Әлем халықтарының рухани дәстүрлерінен және америкалық фолк музыкадан шабыт алған ол жанрлармен еркін ойнап, ешбіріне ұқсамайтын ерекше дыбыстық әлем жасайды. Оның өнері - шынайылық пен жан тербейтін рухани тереңдікке толы. Бұл - тыңдарманды шабыт пен бірлескен шығармашылық кеңістікке шақыратын музыкалық сапар.

Алматыдағы бұл концерттің тағы бір ерекшелігі - сахнаға Маркпен бірге варган музыкасына арналған «Шекарадан тыс» атты халықаралық концертке қатысушылар шығады. Бұл концерт екі күннен кейін, сол La Boheme сахнасында өтеді. Тыңдармандар бірлескен жобалардан үзінділер мен импровизациялар тыңдайды.

Шын жүректен шыққан рухани музыка кешіне сіздерді асыға күтеміз!