М. Әуезов театры «Сыған серенадасы» спектаклімен Ғ. Мүсірепов атындағы Қазақ мемлекеттік академиялық балалар мен жасөспірімдер театрында

Атақты Шәмші ағамыздың жүрекке жететін, қуаты тасқын әндері – әр қазақтың жан дүниесіне жақын қазына. Исраил Сапарбайдың поэтикалық драмасы «Сыған серенадасы» Шәмшінің сыған таборындағы өміріне қатысты бір хикаяны баяндайды. Оны бұл ортада еркін елдің әні мен биі, думанға толы тірлігі ұстап қалады. Ең бастысы – сыған баронының қызы Изольдаға деген махаббат. Қимастық таңымен, қарашаның бозғылт бір ерте таңында Изольдамен қоштасқан сәтте-ақ, жүректен суырылып туған ән өзінен-өзі өмірге келеді.