«Ұлы Даланың Мұрасы» Astana Ballet Алматы қаласында

«Ұлы Даланың Мұрасы» концерттік бағдарламасы - театрдың елімізде де, шетелде де өзіндік бетке ұстар туындысына айналған ерекше жоба. Қазақстанның еңбек сіңірген қайраткері Айгүл Тати қойылымдарындағы нәзік те әсем әйелдер биі көрерменді бірден баурап, ерекше әсерге бөлейді. Би тілімен салынған қайталанбас өрнек, қимыл-қозғалыстағы шеберлік пен үйлесімділік, А.Татидің қойылымдарындағы бейнелеу мәдениеті - қазақ халық биінің асыл қазынасына айналған нағыз інжу-маржандар.

«Ұлы Даланың Мұрасы» бағдарламасы «Мәдениет пен өнер саласында мәдениетаралық және этносаралық бірлікті нығайтуға бағытталған үздік жұмыстар мен шығармалар» байқауында «Үздік концерттік бағдарлама» номинациясы бойынша жеңімпаз атанған.