Серік Еркімбековтың «Өмір желі» авторлық кеші

Қазақконцертте Қазақстанның еңбек сіңірген қайраткері, «Парасат» орденінің кавалері, танымал пианист Серік Еркімбековтің «Өмір желі» атты авторлық кешінде композитордың музыкалық шығармашылығын қамтитын концерттік бағдарлама ұсынылады. Бұл кеште көрермен ұлы даланың кеңдігі, асқар шыңдардың биіктігі, өзен-көлдердің әсем табиғаты және уақыттың тынысы бейнеленген әуендерді тыңдай алады.

Іс-шара мемлекет және музыка өнерінің көрнекті қайраткері Жексембек Еркімбековтің 95 жылдық мерейтойына орай ұйымдастырылады.

Іс-щарада өнер көрсететіндер:

ҚР еңбек сіңірген әртісі Бекболат Байсағатов, Қазақстанның еңбек сіңірген қайраткерлері Нұрлан Измаилов, Клара Төленбаева, Бибігүл Жанұзақ, Ерлан Рысқали, Талғат Мұсабаев, Жұпар Ғабдулина, Медет Чотабаев, Салтанат Ахметова, Париждегі А. Рубинштейн атындағы халықаралық пианистер байқауының лауреаты Нұргүл Нүсіпжанова, «Дарын» мемлекеттік жастар сыйлығының лауреаты Асқар Мұқият, «Мәдениет саласының үздігі» төсбелгісінің иегерлері Дина Мирманова, Мақсат Медеубек, сондай-ақ халықаралық байқаулардың лауреаттары Самат Жексенбаев, Ақбике Алғи, Саджана Мурзалиева, Дильназ Омархан, Ибраһим Амин және Айым Қоғам.

Өнер шеберлері шабыт пен рух сыйлайтын әлемдік классика мен отандық композиторлардың шығармаларын орындайды.

Сондай-ақ, сахнаға Қазақ мемлекеттік симфониялық оркестрі (дирижерлар — Қазақстанның еңбек сіңірген қайраткерлері Бақытжан Мұсақожаева және Асқар Дүйсенбаев, сондай-ақ талантты дирижер Ильяс Дүйсен), ҚазҰӨУ хоры, «Gulder» ансамблінің балеті, «Бірлік» би ансамблі, ҚазҰӨУ-дың скрипкашылары мен қобызшылар ансамблі және Астана қаласының мектеп балалар хоры өнер көрсетеді.