«Әлем классикасының жауһарлары» концерті

Абай атындағы Қазақ ұлттық опера және балет театры сахнасында заманауи опера өнерінің ең нәзік әрі көрнекті сопраноларының бірі, атақты «жібек тембрдің» иесі, маэстро Риккардо Мутидің сүйікті әншісі Барбара Фриттолидің қатысуымен бірегей жеті күндік шебер сабағы өтеді.

Барбара Фриттолидің шебер сабағын өткізу - театрдың стратегиялық даму бағытының заңды жалғасы әрі халықаралық кәсіби қауымдастықтың театрға деген жоғары сенімінің айқын дәлелі.

Шебер сабағы жеті күн бойы жалғасады. Бағдарламада келесі партиялармен жұмыс қарастырылған:
Мими («Богема», Дж. Пуччини),
Золушка («Золушка», Дж. Россини),
Адина («Махаббат сусыны», Г. Доницетти),
Недда («Паяцы», Р. Леонкавалло),
Леонора («Трубадур», Дж. Верди),
Джильда («Риголетто», Дж. Верди).

Сабақ кестесі әрбір қатысушыға күніне 45-60 минут көлемінде жеке жұмыс істеуге, сондай-ақ әріптестерінің сабақтарын күн бойы бақылауға мүмкіндік беретіндей етіп құрылған.

Апта қорытындысы бойынша әрбір әртіс Барбара Фриттоли қол қойған дипломға ие болады және «Әлем классикасының жауһарлары» атты гала-концертке қатысады.

Құрметті көрермендер, сіздерді әлемдік опера классикасының інжу-маржандарын тамашалауға шақырамыз. Концертте өнер көрсететіндер:

ЗАРИНА АЛТЫНБАЕВА, ЖАДЫРА АМАНОВА,
АЯЖАН КУАНШАЛИЕВА, ЕВГЕНИЯ СМОЛЬЯНИНА,
ЕЛЕНА НИКОНОВА, ИРИНА КОТОВА,
ЖАНДАРБЕК ЕРКИНБАЕВ, ЕВГЕНИЙ ШАГАРОВ