Аниме симфониясы. Дирижёр Кеничи Симура

Жапондық дирижёр Кеничи Симура!

Анимеде ойнаған аңызға айналған әуендер, жүрекке жететін сүйікті әндер, симфониялық оркестрдің ғаламат үні - мұның барлығы жапондық тамаша маэстро Кеничи Симураның жетекшілігімен орындалады. Ол қазақстандық тыңдарманға да жақсы таныс.

Жапондық және ресейлік әлемге әйгілі ұстаздардан дирижёрлік өнерді меңгерген Кеничи Симура жылдар бойы шеберлігін шыңдап келеді. Ол ойындар мен атақты аниме-фильмдердің әуендерін классикалық симфониялық үнмен үйлестіре білген.

AnimeSymphony Japan - Жапонияда Aim Village компаниясы негізін қалаған халықаралық музыкалық жоба.

Жапония - аниме музыкасы биік өнер дәрежесіне көтерілген ел. Мұнда оны данышпан композиторлар жазады, үздік музыканттар орындайды және жоғары деңгейлі студияларда жазып алынады.

Neon Genesis Evangelion, Sword Art Online, Fate/Zero, Fullmetal Alchemist, Black Butler, Attack on Titan, JoJo’s Bizarre Adventure, Tokyo Ghoul, Tokyo Revengers, Princess Mononoke, Howl’s Moving Castle, My Neighbour Totoro және тағы басқа әйгілі шығармалар.

Кеничи Симураның айтуынша, жапон анимелері, әсіресе Миядзакидің туындылары - жапон өмірінің үлкен энциклопедиясы.