Нұрғиса Тілендиевтің 100 жылдығына арналған концерт

Астанада даңқты композитор әрі дирижер Нұрғиса Тілендиевтің 100 жылдығына арналған «Әлқисса - Нұрғиса» атты мерейтойлық концерт өтеді.

Концерттің ерекшелігі неде?

- Ұлы композитордың қазақ музыка тарихындағы ерекше қолтаңбасын көрсету;

- Ғасырлар көрінісін сипаттайтын әндер мен күйлердің әсемдігі;

- Халық аспаптар оркестрі мен симфониялық оркестр және хор капелласының бірлескен коллаборациясы;

- Композитордың жауҺар туындыларын еліміздің танымал әншілері мен шығармашылық ұжымдарының орындауы.

Концерт бағдарламасы:

«Ата толғауы», «Дариға домбырамды берші маған», «Есіңе мені алғайсың», «Аққу», «Махамбет», «Өз елім», «Құстар әні», «Ақ шағала», «Ұлы той», «Ақ құсым» және т.б. күйлер орындалып, көркем туындылар шырқалады.

Іс-шарада кімдер өнер көрсетеді?

- Қазақстанның еңбек сіңірген қайраткерлері: Светлана Айтбаева, Азамат Жылтыркөзов, Нұржан Жанпейісов;

- Халықаралық және республикалық байқаулардың лауреаттары: Феруза Рахметова, Артур Ғабдиев, Расул Жармағамбет, Даяна Тілендиева;

- Н.Тілендиев атындағы академиялық фольклорлы-этнографиялық «Отырар сазы» оркестрі;

- Е.Рахмадиев атындағы мемлекеттік академиялық филармониясының симфониялық оркестрі;

- Б.Байқадамов атындағы Мемлекеттік хор капелласы.

Қазақ музыка мәдениетінің көрнекті тұлғасына құрмет көрсетуге арналған әдемі кештің куәгері болу мүмкіндігін жіберіп алмаңыз!