Ғашықсыз ғасыр

Жазушы, драматург  Сұлтанәлі  Балғабаевтың «Ғашықсыз ғасыр»  атты жаңа қойылымы –  бүгінгі таңда  белең алып бара жатқан қайшылықтар мен қақтығыстардың көлеңкелі тұстарын суреттейді. Қоғамда жиі кездесетін сатқындық пен арсыздықтың кесірінен шаңырағы шайқалған отбасының тыныс-тіршілігін көрсететін туынды. Қалтасы қалыңдап, лауазымы көтерілген егде жастағы ер азаматтардың «тоқал» алуы немесе есіл-дерті «байшыкешке» тиіп алуды көздеген  қыз-келіншектердің көп жағдайда отбасын сақтай алмай, балаларын тірі жетімдер қатарына қосып жүрген  түйткілді мәселелерді суреттейді. Жаңа қойылым – камерлі спектакль болып табылады.