Менің анам

Бұл кеш - бұрынғы кештен өзгерек. Сезімтал көңіл, көреген түйсік, көз керек. Өнерсүйер қауымға «Шаншар» әзіл-оспақ театрының әртісі ретінде танылған талантты өнерпаз Даурен Әбиевті енді жаңа қырынан тани аласыздар. Концертте әмбебап Дауреннің жас таланттардан жасақтаған «ДӘУ» атты тобының томағасы сыпырылады. Бірегей топ мүшелері жақында жарыққа шыққан су жаңа «Шырайлы Шымқала» әнін шырқайды. 

Биші қыздар мен цирктің сегіз қырлы серкелері де кештің көрігін қыздырады. Салтанатты сарайдың сахнасы көздің жауын алатын көркем түске енеді. Концерт отандық телеарналардан көрсетіледі.

Көрікті көктем кешінде аяулы аналарға, әдемі әйелдерге, қаракөз қарындастар мен бойжеткен аруларға арналған жап-жаңа әндердің тұсауы кесіледі.

Ендеше, күллі еліміз, көңілді кешке келіңіз!