Әбілахат Еспаевтың шығармашылығына арналған ән кеші

20 желтоқсан күні сағат 17:00-де Е. Рахмадиев атындағы Мемлекеттік академиялық филармонияның концерт залында қазақ эстрадасының көрнекті өкілі, талантты композитор Әбілахат Еспаевтың шығармашылығына арналған ерекше ән кеші өтеді.

Кеш барысында композитордың кең танылған лирикалық әндері мен тыңдарман жүрегіне жол тапқан туындылары орындалады. Филармонияның кәсіби солистері Еспаев мұрасын жаңаша қырынан танытып, композитордың жан дүниесін паш ететін ең сазды шығармаларын көпшілік назарына ұсынады.

Ән кеші өнер сүйер қауымға рухани әсер сыйлап қана қоймай, қазақ музыка мәдениетіне өлшеусіз үлес қосқан Әбілахат Еспаевтың шығармашылық мұрасын дәріптеуге бағытталған.