«Щелкунчик жұлдыздармен бірге» жаңа жылдық қойылымдары

Жаңа жыл қарсаңында R-Production және Абай атындағы Қазақ ұлттық опера және балет театры көрермендерге асыға күткен, Рождествоның сиқыры мен отбасылық жылулықтың символына айналған қойылым - «Щелкунчик» балетін ұсынады.

Пётр Ильич Чайковскийдің ғажайып әуендері мен Қазақстанның халық әртісі Гүлжан Туткибаеваның қойылымында көрермендер ізгілік пен сұлулық жеңіске жететін, ғажайыптар шындыққа айналатын ертегілер әлеміне саяхат жасайды.

Сахна төрінде әлемдік балет жұлдыздары - Татьяна Мельник пен Мотоми Кийото (Будапешт ұлттық опера және балет театрының étoile әртістері), сондай-ақ Абай атындағы ҚазҰОБТ балет труппасы мен симфониялық оркестрі өнер көрсетеді. Василий Вайноненнің хореографиясы, көз тартарлық костюмдер мен көркем декорациялар мерекелік сиқырдың ерекше атмосферасын тудырып, ұзақ уақыт есіңізде сақталады.

29 және 30 желтоқсанда театрға келіп, әр жүректе ғажайыпқа деген сенім қайта оянатын кеш сыйлаңыздар.