«Щелкунчик жұлдыздармен бірге» жаңа жылдық қойылымдары
R-Production компаниясы мен Абай атындағы Қазақ ұлттық академиялық опера және балет театры сіздерді көпшіліктің сүйікті жаңа жылдық қойылымына - «Щелкунчик жұлдыздармен бірге» балетіне шақырады!
Қазақстанның Халық әртісі Гүлжан Туткибаеваның режиссерлік қойылымындағы Петр Ильич Чайковскийдің мәңгілік классикасы сіздерді ертегі мен ғажайыптар әлеміне жетелейді.
Қойылымдар Будапешт ұлттық опера және балет театрының жұлдыздары - Этуаль Татьяна Мельник пен Мотоми Кийотоның қатысуымен өтеді. Оларға Абай театрының балет әртістері мен симфониялық оркестрі сахнада серік болып, көрерменге шынайы сиқыр мен музыка үндестігін сыйлайды.
«Щелкунчик жұлдыздармен бірге» жаңа жылдық қойылымдары 29-30 желтоқсан күндері сағат 19:00-де өтеді. Әрбір кеш - қайталанбас сезім мен естен кетпес әсер сыйлайтын ерекше көрініс.
Сіздерді тамаша костюмдер, керемет декорациялар және Василий Вайнонен қойған әсерлі хореография күтуде. Бүкіл сахна көрінісі ертегідей сиқыр мен ғажайыптың шуағына бөленеді.
Қуыршаққа айналған әдемі ханзада мен оған көмектесіп, Тышқан патшаны жеңуге жәрдемдескен мейірімді Маша туралы бұл ғажайып оқиға балалар мен ересектердің де жүрегін баурап келеді.
Бұл ерекше, сырлы әрі мейірімге толы жаңа жылдық ертегі - нағыз отбасылық спектакль. Көрермендерге жарқын әсер сыйлап қана қоймай, егер ғажайыпқа сенсеңіз, ол міндетті түрде орындалатынын еске салады.
Өзіңіз бен жақындарыңызға ертегідей әсерге толы кеш сыйлаңыздар. R-Production ұсынған осы керемет мерекенің бір бөлігі болуға асығыңыздар!
